仍然身處香港，未到步外國，都一樣可以取得Transferwise戶口 & debit card

對於未有經濟能力/未到合適時機踏足海外去開外國銀行戶口嘅人，

點樣可以喺仍然身處香港，未到步外國嘅情況下，

都一樣可以簡易又低成本地開立外國銀行戶口同埋出一張外國debit card，

我覺得坊間嘅走資情報唔多能夠照顧得到呢類人士嘅需要。

再者，就算對於已經到步/將會出發移民走佬嘅人嚟講，

一般嚟講，初初到步新國家，

有一個外國銀行戶口，

同埋一張可以用當地貨幣俾錢消費嘅銀行卡非常方便，

撘車搭船搭飛機、食飯、買嘢。

可能因為好多人覺得，

就算用一張香港銀行嘅信用卡都做得到啦，

洗乜為咗海外消費而未到達外國就已經要特登走去開外國銀行戶口。

不過如果當用途係要嚟移民走佬走資就係另一回事了。

除咗要早日將身家性命財產撤出香港，

同埋仲有一到步外國就可能要處理一啲不能/不方便用香港銀行卡繳交嘅費用，

例如交電話費、水電煤、上網、政府服務，

甚至可能要自動轉賬等等。

所以當你仍然喺香港就已經能夠擁有外國銀行戶口& debit card，

其實係好重要嘅走資環節。

雖然能夠做到以上類似效果嘅方法的確係有唔少前輩介紹過，

例如Dukascopy、N26、Revolut、Monzo等等外國網上銀行。

可惜呢啲方法始終都係各有限制，

好似係必需要用歐洲地址開戶、必需有英國護照、不支援港幣、有存款上限等等。

我打算推介嘅始終都係備受推崇嘅Wise(前稱Transferwise)。

雖然嚴格嚟講Transferwise係一間匯款公司而唔係銀行，

不過Transferwise各方面嘅優點，

以一個未到達外國之前嘅中途站方案嚟講我認為係最適合不過：

1) 只得特衰護照亦可開戶：

對於未有外國居留權、

未有外國身份證明文件、

無BNO無外國國籍嘅人士，

Transferwise喺外國嘅銀行/匯款公司裡面對身份證明嘅要求都未算好高，

就算只得特衰護照都能夠開戶。

雖然Transferwise都一樣係唔接受香港地址，

但本blog有介紹解決方法。請參看：

仍然身處香港都可以取得外國地址開外國銀行戶口大法 (chinesecommunistdoomsday.blogspot.com)

2) 開戶手續簡便：

無需親赴海外，開戶手續全程網上完成。

3) 資金要求門檻低：

無最低開戶金額下限，亦無需年費。

4) 支援貨幣種類非常多：

大致上除咗啲騎呢國家之外，

大部份你諗得到嘅國家貨幣佢都支援。

5) 匯率手續費平：

以我所知Transferwise應該係市面上其中一間匯率同手續費最平嘅公司，

最起碼必定平過晒所有實體銀行，

有街舖嘅匯款公司如Western Union、Moneygram等，

同埋街邊找換店。

至於平幾多，

呢方面我就冇時間花功夫詳細研究，

淨係知Transferwise嘅匯率相當接近mid-market rate。

 (市場中間價，

一間匯款公司、銀行、找換店、證券行同你兌換外幣嘅匯率同呢個市場中間價相差嘅價錢，

就係佢哋嘅利潤，

換言之差價越少你嘅匯率支出就越少，

你慳嘅錢就越多。)

以由英國匯款去其它國家為例，

可以去番Transferwise官網睇到Transferwise同多間英國銀行嘅收費比較：

https://wise.com/gb/blog/best-uk-banks-for-sending-money-abroad

6) 有提供虛擬debit card：

以一間匯率手續費便宜嘅網上匯款公司而言，

debit card呢項功能實在係神兵利器！

有此功能嘅網上匯款公司數目寥寥可數，

而且Transferwise仲有提供虛擬debit card可以選擇，

可以設定Apple Pay Google Pay用手機付款。

換言之即使你未到達外國冇外國地址收取實體卡，

就算仍然身處香港亦可以取得Transferwise嘅虛擬debit card，

可以用嚟喺香港消費。

而且日後一到步外國就已經有一張匯率手續費便宜嘅卡可用，

喺全世界不同國家消費，

唔洗揸住張香港銀行嘅卡喺外國嘟外幣，

蝕匯率蝕到一頸血。

7) 支援自動轉賬：

呢個係另一大有用功能。

如果你剛到步外國，

要處理必需要自動轉賬嘅費用，

例如交電話費、水電煤、上網、政府服務等等，

但又未有當地銀行戶口，

呢個時候就可以選擇用Transferwise代勞。

另外，唔少人會喺仍身處香港時就已經預先辦理外國電話卡，

例如係廣為人知嘅英國Giffgaff電話卡。

好多人都知呢隻英國電話卡係英國唯一一間電訊商可以免費寄張SIM card嚟香港。

但就未必好多人知道，

其實你係唔一定要用香港嘅信用卡捱貴匯率去兌換英鎊俾錢開通張SIM card，

取而代之係可以用張Transferwise卡嘅英鎊戶口直接用英鎊俾錢，

而且仲可以設定每月自動轉賬。

可以參看另一篇介紹Transferwise嘅文章：

特別走資技巧：「錢存外國，香港使用」避險大法

Transferwise教學：

https://chinesecommunistdoomsday.blogspot.com/2023/02/transferwise.html

最後，請支持一吓，

用我嘅referral link開戶：

https://wise.com/promotion/referral-landing?utm_source=android-account-tab-exp-home&utm_medium=invite&utm_content=&utm_campaign=&referralCode=ryanh564&referralToken=ryanh564&profileType=PERSONAL

同埋仲有另一間誠意推介嘅網上匯款公司Currency Fair：

可以用特衰護照、香港地址、香港電話號碼開戶嘅外國網上匯款公司：Currency Fair

Referral link：

https://www.currencyfair.com/rafland/?channel=RXL76221&utm_medium=RAF&utm_source=MOBILE_ANDROID&utm_campaign=sharebutton

Currency Fair嗰條referral link如果你用嚟開戶口同埋達到指定匯款金額，

你都會得到HKD$450迎新獎金。