支爆近了！你們應當悔改

2020年5月21日中共公布港版國安法， 5月23日本人在連登發表咗一篇名為 《支爆走資攻略 》 既文章。 而5月24日，本人發現篇文章已經喺連登消失咗，無法再載入觀看。 到底發生咗咩事呢？ 係篇文章含有違反版規內容？被人舉報了？ 但係我又從來無收到過任何admin既通知。 一篇文章，內容並無惡意攻擊，抵毁，侵犯任何人， 無含有任何違法內容，或者鼓吹教唆他人違法， 無含有任何刻意欺騙，誤導內容， 更加無色情暴力內容， 為何會在無admin通知下突然間消失咗呢？ 連登作為香港反抗中共既自由堡壘， 相信好多包括本人在內既香港人一直都信任連登係唔會輕易屈服於中共壓力之下。 就算到咗現在呢一刻，本人依然相信並唔係連登己經被統戰了， 協助中共打壓任何人既言論自由。 事件雖然詭異，但本人暫不打算對連登作任何猜測，或作任何追究， 但就會觀望會唔會再發生文章消失事件。 不過點都好，今次消失事件更進一步令本人深信， 「走資」係已經狠狠打中共產黨春袋既上上之策， 大家必需繼續好好善用此策， 而且亦為保護大家既辛苦血汗錢免被中共所搶奪。 光復香港，時代革命！五大訴求，缺一不可！

事緣識得有位已滿16歲但未滿18歲既手足， 家長係腦殘藍屍， 淨係幫佢開個中銀戶口， 唔肯同佢開其它銀行戶口。 到咗支爆之日就大檸樂喇。 於是乎打聽到原來渣打係可以容許 已滿16歲但未滿18歲人仕， 可無需家長陪同，自行去渣打開戶口的。 咁跟住就陪佢去渣打開戶口啦，全程無任何程序需要家長簽署/授權/同意/身份證明， 亦無要求出示地址證明，只需要香港身份證， 所有程序只需由開戶本人已經可以做晒。 並且無要求一定要存錢入戶口。 只係有少少限制，就係無外幣戶口，只有港幣戶口， 支票簿就唔記得咗有無， 其它ATM卡，網上銀行，mobile app，無卡提款等功能一應俱全。 提多次，記得要求職員攞Maestro嗰隻ATM卡，而唔好攞銀聯嗰隻。

今時今日，全香港比較上最安全嘅 零售銀行 只有美資Citibank一間，不作他選。 現時全香港只有3間銀行： -HSBC -渣打 -Citibank 有提供非國產銀聯系統嘅 ATM卡，而且都係免費的。 HSBC已經做咗契弟，foul得； 渣打都己經表埋態支持國安法，但都叫做好過HSBC少少， 未有好似HSBC咁去搞星火一類基金，所以我就會揀渣打做後備 。 一般香港銀行出嘅ATM卡全部都係用銀聯系統， 支爆之日就仆得街啦。 而圖中可見，張Maestro card就無銀聯logo， 代表張卡係Maestro而唔係銀聯的。 渣打嚟講，你去開戶口時要主動同職員講，你想要非銀聯嘅Maestro， 佢先至會俾你，你唔主動講嘅話佢只會俾番銀聯你。 順帶一提，2張只能揀1張，唔可以同一時間用晒2張。 https://www.sc.com/hk/zh/promotion/ways-to-bank/online-member-get-member-referral-program-referee/?cid=wts&sno=HKR978-16804 http://www.citibank.com.hk/chinese/banking/mgm/promotion-mgm-referee.html?ecid=MGEMMHKBAAZHAQ&media=HK30038501616042020PT 而Citibank就直頭係無出銀聯ATM卡的， 但係就都有分Mastercard同齋銀通， 唔係Mastercard嗰隻就只有銀通， 始終Visa、Mastercard呢啲係國際通用嘅大牌子， 如果你嘅Citibank卡冇Mastercard， 去到外國可能會好多地方都用唔到。 可以喺Citibank個mobile app內申請Master debit card：

呢個blog嘅目的， 係想提供一啲坊間走佬走資討論少有提及嘅偏門情報； 以及討論一啲有意走佬走資撤離香港， 但暫時未能動身離開/仍未出發/剛到步目的地國家嘅人仕通常會遇到嘅難題， 以及解決方案。 BNO visa現在已經伸延至本身無BNO， 但親生父或母或者養父或養母是旦一個有BNO嘅人仕可以自行獨立申請。 呢類人仕全部都係十幾二十零歳年輕人， 而且本身無BNO。 呢個blog希望集中討論呢類人仕喺走佬走資時通常會遇到嘅問題， 並提供情報資訊同埋應對方法。 光復香港，時代革命！ Hongkongers stand with Ukraine!