支爆近了！你們應當悔改

試過開外國銀行/匯款公司戶口嘅人都知道， 填表開戶口提供個人資料時， 好多外國銀行/匯款公司都唔接受以下3項最少是旦一樣： -特衰護照 -香港地址 -香港電話號碼 Currency Fair呢間網上匯款公司比較鮮為香港人所知， 呢間嘢嘅最大優點，就係以上3項全部都可以接受。 一致公認好使好用嘅另一間網上匯款公司Wise(前稱Transferwise)就係唔接受用香港地址開戶， 但本blog有介紹解決方法，請參看： 仍然身處香港都可以取得外國地址開外國銀行戶口大法 可以參考本blog介紹Transferwise嘅文章： 特別走資技巧：「錢存外國，香港使用」避險大法 仍然身處香港，未到步外國，都一樣可以取得Transferwise戶口 & debit card 即使你已經擁有Transferwise戶口， 點解我會仍然建議最好有第二個匯款公司戶口作為備用方案呢？ 有一點匯款注意事項唔係好多人喺匯款時有留意。 其實每一次你想匯款去外國， 同一間銀行/匯款公司每日累計匯款金額最好唔好達到美金英磅歐元加元澳元等等5位數，或者港幣6位數， 即係同一間嘢每日累計匯款金額最好唔好超過USD$9,999，EUR€9,999，HKD$99,999...等等。 否則就會比較大機會觸動到銀行/匯款公司對你進行反洗黑錢審查， 扣起你嘅匯款，令到匯款時間被拖延。 但事實上個金額去到咩水平先至會觸發銀行/匯款公司對你進行反洗黑錢審查，並無一致答案。 我就曾經試過由我自己嘅英國Lloyds Bank戶口過數去另一個朋友都係Lloyds Bank嘅戶口， 金額只不過係GBP£5,000， 都一樣俾銀行扣起咗1日。 銀行職員打電話俾我問我過數對象同我係咩關係， 又話驚我係咪遇到騙徒， 我話係我朋友， 最後銀行方面要聯絡埋個朋友證實對方真係我朋友先至放行， 但都花咗1日時間啲錢先至去到我朋友戶口。 所以如果你需要處理嘅匯款數額較大， 就最好手上有多幾間可用嘅匯款公司， 咁每日可以處理嘅匯款就會更多。 Currency Fair嘅使用介面好簡單直接， 唔使點睇教學，自己摸多兩摸就已經識點用。 唔似得Transferwise，我初初開始用Transferwise時用到火都嚟， 搞咗好耐最後要朋友教先至學識點用。 Currency Fair教學以及Currency Fair同Transferwise嘅...

對於未有經濟能力/未到合適時機踏足海外去開外國銀行戶口嘅人， 點樣可以喺仍然身處香港，未到步外國嘅情況下， 都一樣可以簡易又低成本地開立外國銀行戶口同埋出一張外國debit card， 我覺得坊間嘅走資情報唔多能夠照顧得到呢類人士嘅需要。 再者，就算對於已經到步/將會出發移民走佬嘅人嚟講， 一般嚟講，初初到步新國家， 有一個外國銀行戶口， 同埋一張可以用當地貨幣俾錢消費嘅銀行卡非常方便， 撘車搭船搭飛機、食飯、買嘢。 可能因為好多人覺得， 就算用一張香港銀行嘅信用卡都做得到啦， 洗乜為咗海外消費而未到達外國就已經要特登走去開外國銀行戶口。 不過如果當用途係要嚟移民走佬走資就係另一回事了。 除咗要早日將身家性命財產撤出香港， 同埋仲有一到步外國就可能要處理一啲不能/不方便用香港銀行卡繳交嘅費用， 例如交電話費、水電煤、上網、政府服務， 甚至可能要自動轉賬等等。 所以當你仍然喺香港就已經能夠擁有外國銀行戶口& debit card， 其實係好重要嘅走資環節。 雖然能夠做到以上類似效果嘅方法的確係有唔少前輩介紹過， 例如Dukascopy、N26、Revolut、Monzo等等外國網上銀行。 可惜呢啲方法始終都係各有限制， 好似係必需要用歐洲地址開戶、必需有英國護照、不支援港幣、有存款上限等等。 我打算推介嘅始終都係備受推崇嘅Wise(前稱Transferwise)。 雖然嚴格嚟講Transferwise係一間匯款公司而唔係銀行， 不過Transferwise各方面嘅優點， 以一個未到達外國之前嘅中途站方案嚟講我認為係最適合不過： 1) 只得特衰護照亦可開戶： 對於未有外國居留權、 未有外國身份證明文件、 無BNO無外國國籍嘅人士， Transferwise喺外國嘅銀行/匯款公司裡面對身份證明嘅要求都未算好高， 就算只得特衰護照都能夠開戶。 雖然Transferwise都一樣係唔接受香港地址， 但本blog有介紹解決方法。請參看： 仍然身處香港都可以取得外國地址開外國銀行戶口大法 (chinesecommunistdoomsday.blogspot.com) 2) 開戶手續簡便： 無需親赴海外，開戶手續全程網上完成。 3) 資金要求門檻低： 無最低開戶金額下限，亦無需年費。 4) 支援貨幣種類非常多： 大致上除咗啲騎呢國家之外， 大部份你諗得到嘅國家貨幣佢都支援。...

雖然係用詞誇張咗， 用「特別走資技巧」嚟形容「錢存外國，香港使用」， 本來呢樣嘢並唔算係啲咩好特別嘅技巧， 任何一個外國銀行戶口嘅銀行卡都可以用嚟喺香港消費， 就等如一個普通香港銀行戶口嘅銀行卡都可以用嚟係外國消費。 不過想特別提呢及呢樣嘢嘅原因係， 呢件原本冇咩咁特別但其實重要嘅事情， 喺呢幾年嘅移民走佬走資討論卻唔見有好多人談及。 「錢存外國，香港使用」嘅優點， 當然係錢存放咗喺外國， 唔怕香港啲銀行爆煲、被制裁、聯繫匯率爆機時連累埋你嘅血汗錢一齊仆街。 如是者，到底有幾多人喺佢哋嘅走資組合裡面欠缺「錢存外國，香港使用」呢個環節， 甚至乎唔知道呢個世界原來係有呢回事呢？ Wise(前稱Transferwise)係公認其中一個市面上最好用嘅匯款走資工具。 要做到「錢存外國，香港使用」， Transferwise會係一個理想方案： 1) Transferwise可以低成本地做到「錢存外國，香港使用」呢個效果。 相比起使用其它外國實體銀行或網上銀行嘅銀行卡在港消費， 應該都好難搵到一間匯款手續費可以平得過Transferwise。 2) 當你肉身仍然喺香港仍未出發去外國嘅時候， 都有辦法可以開得到Transferwise戶口，並取得虛擬卡。 雖然Transferwise唔接受以香港地址開戶， 但本blog有介紹解決方法。請參看： 仍然身處香港都可以取得外國地址開外國銀行戶口大法 基本上，只要你開咗個Transferwise戶口， 開通張虛擬卡並設置好Apple Pay Google Pay， 就可以用嚟喺香港使用消費。 但必需注意，用Transferwise卡喺香港使用消費亦有一大缺點。 對於一個喺香港搵錢香港洗嘅人， 如果你係由香港嘅銀行過數入去Transferwise戶口top up， 係不能直接將港幣存入Transferwise戶口裡面， 而係要將啲港幣轉換成其它貨幣如英鎊歐元等外幣才可存入， 然後到你用張Transferwise卡喺香港消費時， 又要將啲外幣再轉換番做港幣。 如是者過程就經歷咗2次兌換， 而每一次兌換都要支付少少匯率差價。 點解不能直接將港幣存入Transferwise戶口裡面呢？ Transferwise支援嘅貨幣有50隻， 但當中只有10隻係有"account details"， 意思係指只有呢10隻貨幣喺你嘅Trans...

我諗以下呢個方法喺中文世界應該冇乜其他人會喺公開場合分享， 因為我自己都承認呢個方法可能會有些少取巧成份， 但到頭來係咪真係取巧就好視乎你點樣用法。 我曾經喺連登開post稍為講過呢個方法， 有5毛多次留言攻擊咬定我係教唆人虛報地址。 對此我並不感到意外， 因為共匪最怕睇到大量人移民走資，出盡賤招企圖阻撓。 我嘅目的係希望能夠令到更多人更有效率走資， 走得越多錢越有效打擊共匪春袋。 5毛越係攻擊我， 越係證明我講嘅嘢擊中共匪春袋。 至於我提出嘅呢個方法算唔算係教唆人虛報地址， 大家睇完之後可以自行判斷。 喺正式介紹此法之前需要先強調一件事情。 我並不太建議運用此法去任何一間以你目的地國家為基地嘅銀行去開立戶口， 即係譬如你嘅目的地係英國， 我唔太建議你用呢個方法去以英國為基地嘅銀行開戶口， 例如係HSBC UK、Barclays、Nat West、Revolut、Monzo等等。 吓！？又要去英國，又要唔好用呢個方法去開英國嘅銀行戶口？ 即係我喺度嗡緊廢話？ 原因同解決方法要留到尾段解釋， 所以呢篇長文煩請由頭睇到落尾。 方法是咁的，選擇有2個： 一) 外國B&B地址 二) 外國秘書公司地址 先講B&B地址： 如果你啱啱到達移民目的地國家， 仲未有地方長住，只係租咗間B&B短住； 或者你可能仍然未抵步目的地，仍然身處香港， 只係網上book咗間B&B準備出發； 甚至你可能連移民手續都未搞， 或者仍然等緊移民資格審批， 外國居留權仍未到手。 而你想開一個目的地國家嘅銀行戶口， 於是你問B&B房東， 可唔可以借個B&B地址俾你開銀行戶口&收銀行信， 房東答你可以。 然後你成功用個B&B地址喺當地開咗個銀行戶口， 喺嗰個B&B地址收到銀行寄俾你嘅信。 試諗一諗， 你會喺嗰個B&B地址長住嗎？ 答案當然係唔會， 你會稍後搵過另外一個真正長住嘅地址落腳。 咁你向銀行報稱短住嘅B&B地址， 開完戶口之後搬走， 算唔算係虛報地址呢？ 答案當然係唔算。 你可以進一步諗諗， 每次當你開一個銀行戶口， 其實你係咪真係有需要收銀行寄俾你嘅嘢呢？ 以後你開多幾次銀行戶口就會知， 答案係視乎你開嘅戶口屬於咩類型嘅金融機構。 如果你開嘅戶口係實體銀行，例如HSBC咁， 銀行除咗寄銀行卡密碼信俾你之外， 仲會...

2020年5月21日中共公布港版國安法， 5月23日本人在連登發表咗一篇名為 《支爆走資攻略 》 既文章。 而5月24日，本人發現篇文章已經喺連登消失咗，無法再載入觀看。 到底發生咗咩事呢？ 係篇文章含有違反版規內容？被人舉報了？ 但係我又從來無收到過任何admin既通知。 一篇文章，內容並無惡意攻擊，抵毁，侵犯任何人， 無含有任何違法內容，或者鼓吹教唆他人違法， 無含有任何刻意欺騙，誤導內容， 更加無色情暴力內容， 為何會在無admin通知下突然間消失咗呢？ 連登作為香港反抗中共既自由堡壘， 相信好多包括本人在內既香港人一直都信任連登係唔會輕易屈服於中共壓力之下。 就算到咗現在呢一刻，本人依然相信並唔係連登己經被統戰了， 協助中共打壓任何人既言論自由。 事件雖然詭異，但本人暫不打算對連登作任何猜測，或作任何追究， 但就會觀望會唔會再發生文章消失事件。 不過點都好，今次消失事件更進一步令本人深信， 「走資」係已經狠狠打中共產黨春袋既上上之策， 大家必需繼續好好善用此策， 而且亦為保護大家既辛苦血汗錢免被中共所搶奪。 光復香港，時代革命！五大訴求，缺一不可！

事緣識得有位已滿16歲但未滿18歲既手足， 家長係腦殘藍屍， 淨係幫佢開個中銀戶口， 唔肯同佢開其它銀行戶口。 到咗支爆之日就大檸樂喇。 於是乎打聽到原來渣打係可以容許 已滿16歲但未滿18歲人仕， 可無需家長陪同，自行去渣打開戶口的。 咁跟住就陪佢去渣打開戶口啦，全程無任何程序需要家長簽署/授權/同意/身份證明， 亦無要求出示地址證明，只需要香港身份證， 所有程序只需由開戶本人已經可以做晒。 並且無要求一定要存錢入戶口。 只係有少少限制，就係無外幣戶口，只有港幣戶口， 支票簿就唔記得咗有無， 其它ATM卡，網上銀行，mobile app，無卡提款等功能一應俱全。 提多次，記得要求職員攞Maestro嗰隻ATM卡，而唔好攞銀聯嗰隻。